COMPUTER=GROSSBUCHSTABEN / Bauer = Normalschrift)

IHRE IDENTITÄTSNUMMER
Wos ?
IHRE IDENTITÄTSNUMMER
i bin koa Nummer nit. Sepp Schipflinger hoass is

NICHT VERSTANDEN. SPRECHEN SIE DEUTSCH.IHRE IDENTITÄTSNUMMER
Des packst nit. Der Trottl versteht mi nit. Ja, was glaubstn, was i red? Chinesich oder was ?

NICHT VERSTANDEN. SPRECHEN SIE DEUTSCH.SIE ERHALTEN EINEN STROMSTOSS.
Was ? Brrr. Was soll denn des ? Spinnst Du ?

IHRE IDENTITÄTSNUMMER
Bist du nit recht bei Trost, sog amal ? Setzt mi der unter Strom. IHRE IDENTITÄTSNUMMER Lass mi almal in Rua mit deiner deppartn Nummer. I woass si nit. Sepp Schipflinger hoass i.

IHRE IDENTITÄTSNUMMER
Mei,gehst du mit aufn Wecker. Ich weiss sie nicht, die Identitätsnummer. Verstehst mi ?

IDENTITÄTSNUMMER STEHT AUF IHRER AUSWEISKARTE
Auf der Ausweiskartn ? Mein Gott, wos woass i, wo i de hab? I brauch koa Ausweiskartn.

NICHT VERSTANDEN. SPRECHEN SIE DEUTSCH. IHRE IDENTITÄTSNUMMER. SIE ERHALTEN EINEN STROMSTOSS.
Brrr. Glaubst des macht mir was aus, du Depp? Auf mein Hof komm i dauernd in die Liachtleitungen. Bin i scho gwohnt, da muasst was zualegn, dass´s mi ordentlich reisst.

KOMMUNIKATIONSDIFFERENZEN. STÖRUNG.
Wos

KOMMUNIKATIONSDIFFERENZEN. STÖRUNG.
Wos is los ?

STÖRUNG SELBSTTÄTIG BEHOBEN. IHR NAME
Ja.Herrschaftseiten, den hab i eh scho zwoamal gsagt : Sepp Schipflinger hoass i.

NICHT VERSTANDEN. SPRECHEN SIE DEUTSCH. IHR NAME.
Fix eini ! Sepp Schipflinger ! Wia oft denn no ?

NICHT VERSTANDEN. SPRECHEN SIE DEUTSCH. IHR NAME. SIE ERHALTEN EINEN STROMSTOSS.
Brrr. Du, mach mi nit narrisch. Zum letzten Mal: Sepp Schipflinger, hast mi ? Josef Schipflinger.

JOSEF SCHIPFLINGER.
Na,endlich. Des braucht was. Dir habn die Mäus a paar Kabl angfressn, was ?

NICHT VERSTANDEN. SIE WISSEN, WARUM SIE HIER SIND.
Nix woass i, a Sauerei is des. Holn mi mittn aus da Arbeit weg, mit der Polizei a no. Und bindn mi auf den Stual da und legen Kabl um mei Hirnkastl. A Sauerei is des, a bodenlose.

NICHT VERSTANDEN. SIE SIND HIER, UM SICH EINEM SPRACHTEST ZU UNTERZIEHEN. WARUM BESUCHEN SIE NICHT DEN VORGESCHRIEBENEN SPRACHKURS IN IHREM ORT
Sprachkurs ? I brauch koan Sprachkurs, i kann eh redn.

NICHT VERSTANDEN.
nacha muasst halt an Sprachkurs bsuachn !

NICHT VERSTANDEN. SPRECHEN SIE DEUTSCH. SIE ERHALTEN EINEN STROMSTOSS.
Brrr.Du kannst mi kreuzweis.

NICHT VERSTANDEN. DIE REGIERUNG HAT MIT BEGINN DES JAHRES DIE EINFÜHRUNG DER DEUTSCHEN EINHEITSSPRACHE BESCHLOSSEN. DIALEKT, MUNDART, UMGANGSSPRACHE, SLANG SIND VERBOTEN.
Ja und ? Des is mit wurscht, i red wia mir´s Maul gwachs is. Glaubst i red nach der Schrift, weil a paar Grosskopferte des so wolln ? I loss mir mei Sprach nit verbietn. Wo samma denn ? Soll i mit meine Küa Hochdeutsch redn.

NICHT VERSTANDEN. SPRECHEN SIE DEUTSCH. SIE ERHALTEN EINEN STROMSTOSS.
Brrr. du, Mandl, jetzt reicht´s mir bald. i zerleg di in deine Einzelteile, wennst nit aufhörst mit dem Schmarrn. Mir is die Zeit schad für so an Blödsinn. Dahoam wartet Arbeit auf mi.

NICHT VERSTANDEN. WIEDERHOLEN SIE DAS WORT DIVERSIFIKATIONSQUOTIENT.
Was soll i ?

WIEDERHOLEN SIE DAS WORT DIVERSIFIKATIONSQUOTIENT. DAS IST EIN SPRACHTEST.
Oachkatzlschwoaf.

NICHT VERSTANDEN.
Oachkatzlschwoaf.

NICHT VERSTANDEN. WIEDERHOLEN SIE DAS WORT DIVERSIFIKATIONSQUOTIENT.
Blunzn

NICHT VERSTANDEN.
Grammln

NICHT VERSTANDEN.
Kuttln

NICHT VERSTANDEN. SIE ERHALTEN EINEN STROMSTOSS.
Brrr. Plentl

NICHT VERSTANDEN. WIEDERHOLEN SIE DAS WORT DIVERSIFIKATIONSQUOTIENT.
Du flachshaarats Dirndl, i hob di so gern. I möcht wegn deien Flachshaar a Spinnradl wern.

NICHT VERSTANDEN. SIE ERHALTEN EINEN STROMMSTOSS.
Mei Dirndl hoasst Nandl,
hat schneeweisse Zandl,
hat schneeweisse Knia,
aber gsehn hab is nia.

SIE ERHALTEN EINEN STROMSTOSS
Brrr.
Annamirl, Zuckerschnürl, geh mir in Keller um a Weindl, um a Bier, um an Muskateller !

SIE ERHALTEN EINEN STROMSTOSS
Brrr.
Kloan bin i gwachs, groß mag i nit wern,
mei Muater hat mi züglt aus a Haslnusskern.

SYSTEMFEHLER
Was ?

SYSTEMFEHLER
Was is los ?

SYSTEMFEHLER
Wer,wo ?

SYSTEMFEHLER
A so is des. Is a Radl locker wordn bei dir, ha ?

SYSTEMFEHLER
Naja, i sag´s ja immer, des neumodische Maschinenzeug is nix wert. Hebt nix aus. Alles is a Glump.

SYSTEMFEHLER
Ja,nacha, dann bi i dahin. Die Gurtn sein a nix wert. hast es gsehn ? A bissl druckn und scho zerissn sans. Schlechts Material. Sollst amal mei Zaumzeug sehn, des hebt hundert Jahr.

SYSTEMFEHLER
Diversifikationsquotient : damitst an Trost host.

SYSTEMFEHLER
Genau, Pfiat-Gott, Maschindl.